İsrail və Hizbullah hərəkatı bir-birinin mövqelərinə zərbələr endirir.
Hizbullah Livan şəhərlərinə edilən hücumlara cavab olaraq İsrailin 4 hədəfini vurduğuna dair mesaj yayıb.
Bunun ardınca İsrail Müdafiə Qüvvələri Livandakı Hizbullah mövqelərinə pilotsuz uçuş aparatları ilə zərbələr endirdiyini açıqlayıb.
KİV-in məlumatına görə, Livanda “Reuters” və “Əl-Cəzirə”nin jurnalistləri işləyərkən atəşə tutulub. Bir nəfər ölüb, üç nəfər yaralanıb. Mərminin avtomobilə dəydiyi qeyd edilir.
Reuters agentliyi onun videoqrafı İssam Abdallanın Livanın cənubunda işləyərkən öldüyünü təsdiqləyib.
Əl-Cəzirə telekanalı cümə günü İsrailin Livanın cənubunu atəşə tutması nəticəsində ikisi əməkdaş da daxil olmaqla daha üç jurnalistin yaralandığını bildirib.
İsrail və ərəb mediası bir-birini günahlandırır. Zərbə İsrail sərhəd postlarının yaxınlığında baş verib. (Tass)