Antalya prokurorluğu “Antalyaspor” futbol klubunun israilli yarımmüdafiəçisi Saqiv Yehezkeli “ictimai olaraq düşmənçilik və nifrət salmaq” ittihamı ilə həbsdən azad edib. NTV televiziya şirkətinin məlumatına görə, onu götürmək üçün İsraildən xüsusi təyyarə göndərilib.
Daha əvvəl bildirilmişdi ki, yanvarın 14-də “Antalyaspor” – “Trabzonspor” matçında qol vurduqdan sonra Yehezkel qolundakı “100 gün. 7.10” yazısı və Davud ulduzunun təsviri olan sarğı göstərib. Yazı 7 oktyabr 2023-cü ildə HƏMAS yaraqlılarının İsrail ərazisinə hücumu ilə başlayan Fələstin-İsrail münaqişəsinin 100-cü günü demək idi. Bundan sonra klubun direktorlar şurası futbolçunu siyahıdan kənarlaşdırıb. “Antalyaspor” qərarını Yehezkelin Türkiyənin “milli dəyərlərinə zidd hərəkət” etməsi ilə izah edib.
Daha sonra Türkiyə Ədliyyə Nazirliyinin rəhbəri Yılmaz Tunç israilli futbolçuya qarşı iş açıldığını açıqlayıb.
Yehezkel həbs olunduqdan sonra onun hərəkətlərinin təxribat olmadığını bildirib. (Tass)