İstanbul yeni ilin ilk günü tarixin ən böyük nümayişlərindən birinə şahidlik edəcək. “Şəhidlərimizə rəhmət, Fələstinə dəstək, İsrailə lənət” yürüşü üçün yüz minlərlə insan Qalata körpüsündə bir araya gələcək. 308 qeyri-hökumət təşkilatının təşkil edəcəyi yürüşlə həm PKK terroru, həm də İsrail zülmü pislənəcək.
Milli İradə Platformasının təşkil etdiyi yürüş üçün insanlar Ayasofya, Sultanəhməd, Süleymaniyyə və Taksim məscidləri ilə Eminönü Yeni Məscidində səhər namazı qılmaq üçün bir araya gələcək. Şəhidlər üçün dualar oxunacaq. Daha sonra saat 08.30-da məscidlərdən Qalata körpüsünə qədər yürüş başlayacaq.
Qalata körpüsü yürüş səbəbiylə səhər saatlarında nəqliyyata bağlanacaq. (TRT Haber)