İstanbul Baş Prokurorluğu şəhərdə icazəsiz aksiyalarda iştirakla bağlı ittiham aktı hazırlayıb. A haber telekanalının verdiyi məlumata görə , ittiham tərəfi 139 müttəhimə 3 ilə qədər həbs cəzası tələb edir.
Məhkəməyə təqdim edilən ittihamnamədə qeyd olunub ki, İstanbulda martın 19-dan 23-dək hər hansı kütləvi nümayiş qadağan edilib. Buna və polisin dağılmaq tələbi ilə bağlı bildirişlərinə baxmayaraq, “camaat inadla dağılışmaqdan imtina edib və kordonda olan polislərə hücum edərək iğtişaşlara başlayıb”. İş materiallarında qeyd olunur ki, “hüquq-mühafizə orqanlarının dəfələrlə xəbərdarlığına baxmayaraq, aksiya iştirakçıları müqavimət göstərib və barələrində proporsional tədbirlər görülüb, şübhəli şəxslər saxlanılıb”.
İş materiallarında bəzi nümayişçilərin qanunsuz hərəkətlərini sübut edən videoyazılar və hesabatlar da var. Prokurorluq “şübhəli şəxslərin birgə hərəkət etdiyini” qeyd edərək, onların “toplaşmalar və nümayişlər haqqında qanunvericiliyin pozulması”, habelə bir sıra digər maddələr, o cümlədən “prezidenti təhqir etmə” maddələri ilə altı aydan üç ilədək müddətə azadlıqdan məhrum etmə cəzasına məhkum edilməsini xahiş edib. (Tass)