Müharibə baş verərsə, krallığın kifayət qədər sursat ehtiyatı olmadığından Belçika hərbçiləri düşmənə daş atmağa məcbur olacaqlar. Bu fikri Belçikanın Müdafiə Qərargahı rəisinin keçmiş müavini, istefada olan general Mark Tis deyib.
“Burada müharibə başlasa, bir neçə saat ərzində sursat çatışmazlığı səbəbindən biz daş atmağa məcbur olacağıq” deyə hərbçi VRT televiziyasına müsahibəsində bildirib.
Thys izah edib ki, o, Müdafiə Nazirliyində yüksək vəzifə tutanda sursat almaq üçün onun sərəncamında ildə 15 milyon avro var idi. “İndi tələb olunan məbləğ 150 milyon avroya qədər artıb. Əgər 30-60 gün döyüşə bilmək istəyiriksə, bizə 5-7 milyard avro lazımdır”, – təqaüddə olan general bildirib.
O, Ukraynadakı vəziyyətlə bağlı məsələni də qaldıraraq izah edib ki, Kiyev Avropa və ABŞ-dan əlavə dəstək almasa, “çox pis vəziyyətdə qalacaq”. (Tass)