İsveç hökuməti Qəzza əhalisinə 2023-cü ildə artıq verilmiş 560 milyon kron (50,3 milyon dollar) məbləğində yardıma əlavə olaraq 150 milyon kron (13,5 milyon dollar) ayırmaq qərarına gəlib.
Əməkdaşlıq və Xarici Ticarət naziri Johan Forssell mətbuat konfransında “Əlavə 150 milyon BMT-nin təcili müraciətinə cavabdır” dedi.
Bu vəsaitlər BMT və Beynəlxalq Qızıl Xaç Komitəsi vasitəsilə yönəldiləcək: 80 milyon (7,2 milyon dollar) – Ümumdünya Ərzaq Proqramı, 30 milyon (2,7 milyon dollar) – Birləşmiş Millətlər Təşkilatının Uşaq Fondu (UNICEF), 20 milyon ( 1,8 milyon dollar) – BMT-nin Əhali Fondu və 20 milyon (1,8 milyon dollar) – Beynəlxalq Qızıl Xaç Komitəsi vasitəsilə çatdırılacaq.
“İsrailin HƏMAS terror hücumuna qanuni cavabı beynəlxalq hüquqa uyğun olaraq həyata keçirilməlidir. İndi şahidi olduğumuz şey Qəzzaya təsir edən humanitar böhrandır. Biz hər gün [baş verənlərlə bağlı] acınacaqlı təsvirlər alırıq”, – Forssel bildirib. Eyni zamanda o, İsveç hökumətinin HƏMAS-ın hərəkətlərini pislədiyini dəfələrlə vurğulayaraq, heç bir şeyin terrora haqq qazandıra bilməyəcəyini bildirib. (Tass)