İsveç hökuməti Ukraynaya 50 milyon kron (4,86 milyon dollar), Moldova və Gürcüstana isə hər birinə 5 milyon kron (0,49 milyon dollar) məbləğində hərbi yardım göstərmək qərarına gəlib. Bu barədə hökumət idarəsi məlumat yayıb.
“Dəstək NATO-nun müxtəlif fondları vasitəsilə həyata keçirilir və minalardan təmizləmə, böhranın idarə edilməsi, kibertəhlükəsizlik və təhsil və digər məsələlər üçün istifadə olunacaq”, – bəyanatda deyilir.
50 milyon kron NATO-nun Ukrayna üzrə Fonduna (Ukrayna Hərtərəfli Yardım Paketi Fondu) artıq qərar verilmiş, lakin maliyyə çatışmazlığı olan layihələrə, “məsələn, müdafiə avadanlığının alınmasına” ayrılacaq. 5 milyon kron NATO-nun Müdafiə Potensialının Gücləndirilməsi Etimad Fonduna köçürüləcək və bu, “avadanlığın alınması, təlim və islahatlara dəstək üçün” istifadə olunacaq. Əhəmiyyətli NATO-Gürcüstan Paketi çərçivəsində Gürcüstana daha 5 milyon kron göndəriləcək. Pul “böhranların idarə edilməsi, kibertəhlükəsizlik, kəşfiyyat məlumatlarının mübadiləsi, həmçinin təhlükəsiz kommunikasiya kanalları və mühəndislik bölmələrinin səlahiyyətləri sahələrindəki layihələrə” gedəcək. (Tass)