İsveç Ukraynaya iki sahil mühafizə gəmisi və 40 minlik qaz maskası verəcək. Bunu krallığın mülki müdafiə naziri Karl-Oskar Bolin Kiyevə səfəri zamanı deyib.
“Bu gün mən 100 milyon İsveç kronu (təxminən 8,5 milyon avro) dəyərində 40 min qaz maskasından ibarət yeni mülki yardım paketini, həmçinin iki böyük sahil mühafizə gəmisindən və əlavə avadanlıqdan ibarət dəniz paketini təqdim etdim ”, Bolin X-də (keçmiş Twitter) yazıb.
İsveçli nazir həmçinin qeyd edib ki, Ukrayna Daxili İşlər Nazirliyinin rəhbəri İqor Klimenko ilə görüş zamanı “İsveç və Ukrayna arasında mülki müdafiənin bir sıra sahələrində əməkdaşlığın dərinləşdirilməsinə dair proqram sənədi” imzalanıb. (Tass)