İsveç Beynəlxalq İnkişaf Əməkdaşlıq Agentliyi (SIDA) Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinə (UNRWA) HƏMAS ilə əlaqəsi olduğu iddialarına görə ödənişləri dayandıracağını açıqlayıb.
SIDA sözçüsü Juhan Cherneng SVT televiziyasına müsahibəsində “Biz davam edən araşdırmanın nəticələrini gözləyirik. Tam aydınlıq əldə edənə qədər heç bir vəsait ödəməyəcəyik” deyib.
Söhbət 31 milyon kronun (3 milyon dollar) dayandırılmış transferindən gedir. SVT xarici ticarət və beynəlxalq əməkdaşlıq naziri Yohan Forsseldən sitat gətirir: “Son günlər daxil olan son dərəcə vacib məlumatları nəzərə alsaq, bu, çox yaxşı qərardır. İsveç yardımı ciddi iştirakçılara verilməlidir və heç vaxt terrora yaxınlaşmamalıdır”.
İsveç hökuməti 2024-cü ilə qədər UNRWA üçün 400 milyon kron (38,4 milyon dollar) ayırıb. Bu günə qədər bu məbləğdən heç bir ödəniş edilməyib və hazırda planlaşdırılmır. Eyni zamanda, Nazirlər Kabineti hələ də yardımın dayandırılması ilə bağlı qərar qəbul etməyib. O, hazırda BMT və SİDA-da aparılan araşdırmaların nəticələrini gözləyir. İkincinin nəticələri fevralın 15-dək təqdim edilməlidir. (Tass)