2022-ci ilin fevralından bəri ən azı səkkiz İsveç vətəndaşı Ukraynada ölüb. Bu barədə “Baltic Sentinel” portalı Krallığın Xarici İşlər Nazirliyinə istinadən yazıb.
“Xarici İşlər Nazirliyi təsdiq edə bilər ki, 2022-ci il fevralın 24-dən Ukraynada səkkiz İsveç vətəndaşı dünyasını dəyişib”, – departament portalın sorğusuna cavab olaraq bildirib. Eyni zamanda, İsveç Xarici İşlər Nazirliyi məxfilik səbəbindən bu şəxslərin ölüm səbəbini açıqlamaqdan imtina edib.
Litva Müdafiə Nazirliyi portala Ukraynada hərbi əməliyyatlarda iştirak etmək istəyən vətəndaşın ölümü ilə bağlı bir hadisə barədə məlumat verib. Almaniya və Finlandiyanın müdafiə nazirlikləri izah ediblər ki, müxtəlif səbəblərdən öz ölkələrindən olan muzdlular arasında itkilərə nəzarət etmirlər. (Tass)