Neytral statusa malik İsveçrə 2024-cü ildə xarici tərəfdaşları ilə 24 hərbi təlimdə iştirak edəcək ki, onların da əksəriyyəti NATO ölkələrinin ərazisində baş tutacaq. İsveçrə hökuməti – Federal Şuranın məlumatına görə, Şimali Atlantika Alyansının Sülh Naminə Tərəfdaşlıq proqramı çərçivəsində altı tədbir keçiriləcək.
“2024-cü il üçün altısı Sülh Naminə Tərəfdaşlıq proqramı çərçivəsində 24 təlim tədbiri elan edilib” Federal Şura qeyd edib: “Bir sıra dövlətlərlə ikitərəfli səviyyədə 18 təlim planlaşdırılır: dördü İsveçrədə, on dördü isə xaricdə”.
NATO-nun Sülh Naminə Tərəfdaşlıq proqramları vasitəsilə İsveçrə ordusu digər şeylərlə yanaşı, noyabr ayında Estoniyada keçiriləcək kibermüdafiə təlimində iştirak edəcək kiberkoalisiyada məqsəd “NATO ilə onun üzvləri arasında əməkdaşlığı yaxşılaşdırmaqdır. ” Bern nümayəndəsi həmçinin hər il may ayında müxtəlif ölkələrdə keçirilən “Ssenarisi NATO Müqaviləsinin 5-ci maddəsinə əsaslanan və məqsədi sınaqdan keçirmək və təkmilləşdirmək olan “Steadfast Cobalt” stolüstü təliminə “müşahidəçi qismində” göndəriləcək.” İyun ayında İsveçrə Polşada “NATO və tərəfdaş ölkələrin informasiya sistemlərinin qarşılıqlı fəaliyyət qabiliyyətini sınaqdan keçirmək və təkmilləşdirmək imkanı verən” CWIX təlimində iştirak edəcək.
İkitərəfli razılaşmalar əsasında keçirilən təlimlərə gəlincə, Federal Şuranın 2024-cü il üçün təsdiq etdiyi proqrama əsasən, 18 belə tədbir nəzərdə tutulub. Onlardan dördü İsveçrədə, üçü İspaniyada, ikisi Almaniyada, eyni sayda Portuqaliya, Sloveniya və Fransada, hər biri ABŞ, Kanada və Kiprdə olacaq. Bu ölkələrdən yalnız Kipr və İsveçrənin özü NATO üzvü deyil. (Tass)