İsveçrə prezidenti Alen Berset Ukrayna prezidenti Vladimir Zelenski ilə danışıqlar aparmaq və ərzaq təhlükəsizliyi sammitində iştirak etmək üçün Kiyevə gəldiyini açıqlayıb.
“Mən Kiyevə gəldim, burada bu gün ərzaq təhlükəsizliyi üzrə beynəlxalq sammitdə iştirak edəcəyəm və prezident Zelenski ilə görüşəcəyəm”, o, X sosial şəbəkəsindəki (keçmiş Twitter) səhifəsində yazıb.
Bu, Rusiya Federasiyasının xüsusi hərbi əməliyyatı başlayandan bəri İsveçrə Federal Şurasının (Hökumət) sədr üzvünün Ukraynaya ikinci səfəridir. Bersedən əvvəl bu postu tutan İqnazio Kassis sonuncu dəfə 2022-ci il oktyabrın 20-də Kiyevə səfər edib. (Tass)