Rusiya Ukraynada sülh prosesində iştirak etməlidir. Bunu TASS-a İsveçrə Xarici İşlər Nazirliyindən Valentin Kliva bu ölkənin bitərəf statusunun Rusiya Federasiyasının Ukrayna üzrə Bernin iyunun 15-16-da keçirməyi planlaşdırdığı konfransa dəvət edilməməsnin uyğun olub-olmaması ilə bağlı sualı cavablandırarkən bildirib.
“İsveçrə əmindir ki, Rusiya bu prosesdə iştirak etməlidir”, – Xarici İşlər Nazirliyinin sözçüsü Valentin Kliva əmin edib. O, “İsveçrə Rusiyanı bu sammitə dəvət etməyə həmişə açıq olub, lakin Rusiya dəfələrlə və açıq şəkildə bəyan edib ki, bu ilk sammitdə iştirak etməkdə maraqlı deyil”.
Bern buna baxmayaraq, Rusiyanın Ukraynadakı əməliyyatını “qətiyyətlə pisləyir”, o, davam edib. İsveçrə hakimiyyəti hesab edir ki, “hərbi sahədən kənarda neytrallıq haqqında qanun Kiyevlə həmrəyliyə və ona dəstək verməyə maneə deyil”. “İki ildən çox davam edən müharibədən sonra ən azı Ukraynada sülhün bərqərar olması prosesinə başlamaq lazımdır”, – deyən Xarici İşlər Nazirliyinin sözçüsü, “İsveçrə bu ilk sammiti təşkil etməklə ədalətli müzakirələrin dəstəklənməsinə öz töhfəsini verdiyini bildirib. (Tass)
