Daha əvvəl açıq-aşkar təhlükəsizlik təhdidləri olduğu halda İtaliya kontingentinin Livandan çıxarılmasını istisna etməyən İtaliyanın müdafiə naziri Guido Crosetto belə bir qərarın BMT ilə məsləhətləşərək veriləcəyini bildirib.
“UNIFIL [BMT-nin Livandakı Müvəqqəti Qüvvələri] ilə bağlı qərar milli deyil, çünki biz ispanlarla, fransızlarla, hindlilərlə və bir çox başqaları ilə bir yerdəyik. Ya hamımız qalacağıq, ya da hamımız ayrılacağıq. Bu arada biz Vəziyyəti hər saat izləyirik.Əlbəttə, əgər çoxmillətli kontingentlərimizin təhlükədə olduğunu başa düşsək, BMT ilə razılaşaraq, geri çəkilməyə qərar verəcəyik”, o , “La Repubblica ” qəzetinə müsahibəsində bildirib . Nazir Yaxın Şərqdəki münaqişəyə daha çox ölkənin cəlb edilməsi riskini “tamamilə real” hesab etdiyini bir daha vurğulayıb.
Fələstin-İsrail münaqişəsi zonasından atılan raketlərdən biri oktyabrın 15-də UNIFIL-in Naqurahdakı qərargahına düşüb. Missiyaya minə yaxın italyan əsgəri daxildir. Partlayış nəticəsində xəsarət alan olmayıb, baza hücumun hədəfi olmayıb. Hərbi mənbələrin məlumatına görə, raket Livandan olan Hizbullah şiə təşkilatının silahlıları tərəfindən atılıb. (Tass)