İtaliya Fələstinin mülki əhalisinin ehtiyacları üçün 10 milyon avro ayıracaq.İtaliyanın xarici işlər naziri və baş nazirin müavini Antonio Tajani qeyd edib ki, bu, 2023-cü ilin dekabrında ayrılan analoji məbləğdən sonra ikinci maliyyə paketidir.
“Bu vəsait Qəzza zolağında əsas sağlamlıq və qida ehtiyaclarını ödəmək, həmçinin İordan çayının qərb sahilində və Şərqi Qüdsdə İtaliya təşkilatlarının yeni layihələrini maliyyələşdirmək üçün istifadə olunacaq”, – nazir bildirib. O, həmçinin qeyd edib ki, bu pulların “yanlış əllərə” keçməməsi üçün ciddi nəzarət həyata keçiriləcək.
İtaliya Xarici İşlər Nazirliyinin TASS müxbirinə izah edib ki, bu vəsait Birləşmiş Millətlər Təşkilatının Ərzaq və Kənd Təsərrüfatı Təşkilatına (FAO) və Beynəlxalq Qızıl Aypara Təşkilatına köçürüləcək.
Bundan əvvəl İtaliya BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) bir neçə əməkdaşının radikal HƏMAS hərəkatı ilə əlaqədə şübhəli bilindiyinə dair məlumatların ortaya çıxmasından sonra bu qurumun maliyyələşdirilməsini dayandırıb. (Tass)