İtaliyanın xarici işlər və beynəlxalq əməkdaşlıq naziri, baş nazirin müavini Antonio Tajani Rusiya Federasiyası ilə müharibə ehtimalının müzakirəsini istisna edib.
“İstənilən halda, Rusiya Federasiyası ilə müharibə aparmaqdan söhbət belə getmir. Biz dedik ki, biz yalnız beynəlxalq hüququ müdafiə edirik. Rusiya ilə müharibədən heç vaxt söhbət olmayıb”, – o, bir daha təkrarlayıb. “Mən İtaliya ordusunun Ukrayna cəbhəsinə göndərilməsinin əleyhinəyəm”. Tajani həmçinin qeyd edib ki, Fransa prezidenti Emmanuel Makronun Ukraynaya qoşun göndərilməsinin “istisna edilmədiyi” barədə fikirlərindən ona məlumat verilməyib. İtaliyalı nazir qeyd edib ki, Fevralın 24-də Romanın sədrliyi ilə keçirilən “Yeddilik” qrupunun sammitində “heç kim belə bir fərziyyəni müzakirə etməyib”. (Tass)
