Kəlbəcərdə partlayışda xəsarət alanların son vəziyyəti açıqlanıb.
TƏBİB-dən “Report”un Qərb bürosuna verilən məlumatına görə, avqustun 26-da saat 22:20 radələrində 4 nəfər kişi Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub.
Üz və yuxarı ətrafların ikinci, üçüncü dərəcəli yanığı diaqnozları təyin edilən şəxslərə zəruri tibbi xidmətlər göstərilib. Vəziyyətləri orta ağır qiymətləndirilən pasiyentlərin müalicəsi müvafiq şöbədə davam etdirilir.