Hazırkı Kamerun parlamentinin səlahiyyətləri bir il müddətinə, 2026-cı ilin yazına qədər uzadılıb. Reuters xəbər verir ki , təşəbbüs prezident Paul Biya tərəfindən irəli sürülüb.
Agentlik qeyd edir ki, Kamerun parlamentinin Milli Assambleyasının (aşağı palatası) üzvləri səlahiyyət müddətinin 12 ay, 2026-cı ilin mart ayına qədər uzadılmasına səs veriblər. Yerli idarəetmə orqanlarına seçkilər də eyni vaxta təxirə salınıb. Prezident Biyanın başçılıq etdiyi Kamerun Xalqının Demokratik Mitinqi parlamentdə mütləq çoxluğa malikdir.
“Journal du Cameroun” qəzeti növbəti parlament seçkilərinin 2026-cı ilin fevralında keçiriləcəyini yazır. Parlamentin səlahiyyətlərinin uzadılması qərarı 2025-ci il seçki təqviminin çox yüklənməməsi üçün verilib. Gələn il prezident, parlament, bələdiyyə və yerli seçkilər keçirilməli idi.
Kamerun Konstitusiyası deputatların səlahiyyətlərinin genişləndirilməsi imkanını təmin edir. Bu addımın təşəbbüskarı dövlət başçısı olmalıdır. (Tass)