Elm və Təhsil Nazirliyinin Kataliz və Qeyri-üzvi Kimya İnstitutunda Fransanın Strasburq Universitetinin tələbələri istehsalat təcrübələri keçirlər.
Bu barədə AZƏRTAC-a institutdan bildirilib.
Azərbaycan Dövlət Neft və Sənaye Universitetinin və Fransanın Strasburq Universitetinin birgə layihəsi olan UFAZ-da bakalavriat səviyyəsində kimya mühəndisliyi ixtisası üzrə təhsil alan beş tələbə və magistratura səviyyəsində II kursda təhsil alan bir tələbə institutun Nanostrukturlaşdırılmış metal-polimer katalizatorları, Nanokarbon katalizatorların iştirakında hidrogen peroksidlə oksidləşmə və Kimyəvi-texnoloji proseslərin modelləşdirilməsi laboratoriyalarında istehsalat təcrübəsi keçirlər.