Keçən il üzrə fəlsəfə doktoru elmi dərəcəsi ən çox qadın iddiaçılara verilib.
Bu barədə “Report”a Prezident yanında Ali Attestasiya Komissiyasından məlumat verilib.
Həmin müddət ərzində ən yüksək göstərici filologiya elmləri sahəsi üzrə qeydə alınıb. Belə ki, adıçəkilən sahə üzrə 69 qadın (12 kişi) iddiaçı fəlsəfə doktoru elmi dərəcəsi alıb.
Sonrakı yerlərdə tibb elmləri üzrə 34 qadın (6 kişi), iqtisad elmləri üzrə 28 qadın (27 kişi), biologiya elmləri üzrə 27 qadın (3 kişi), pedaqogika üzrə 25 qadın (1 kişi) qərarlaşıb.
Fəlsəfə doktoru elmi dərəcəsi üzrə astronomiya, antropologiya elmləri üzrə iddia qaldıran kimsə olmayıb.