Böyük Britaniyanın baş naziri Keir Starmer Yeddilik Qrupunun (G7) üzvlərini Rusiyaya iqtisadi və hərbi təzyiqləri artırmağa çağırıb. Bu barədə G7 ölkələrinin liderlərinin iştirakı ilə keçirilən videokonfransdan sonra hökumət başçısının ofisinin yaydığı bəyanatda deyilir.
“[Starmer] qalan G7 liderlərini ukraynalılara verilən hərbi dəstəyi artırmaq və iqtisadi təzyiqi artırmaq, o cümlədən mümkün olan yerlərdə yeni sanksiyalar tətbiq etməklə [Rusiya prezidenti Vladimir] Putin üçün mümkün qədər çox problem yaratmağa davam etməyə çağırıb”, – sənəddə qeyd edilir. “Bütün liderlər “dünyanı bürüyən qeyri-sabitlik dövründə G7 ölkələri arasında birliyin kritik olacağı anlayışı ilə” razılaşdılar.
Starmerin sözlərinə görə, Kiyevin əlavə hərbi yardıma ehtiyacı var, ona görə ki, Moskva tərəfində “təslim olmaq istəyinin heç bir əlaməti yoxdur”. Böyük Britaniyanın baş nazirinin sözlərinə görə, Ukraynanın Qərb müttəfiqləri “onu gələcəkdə mümkün olan ən yaxşı mövqe ilə təmin etməlidirlər”.