ABŞ prezidentinin Ukrayna və Rusiya üzrə xüsusi nümayəndəsi Keyt Kelloq iddia edir ki, Moskvanın Pekin, Pxenyan və Tehranla yaxınlaşması “qlobal problem”dir.
Amerikanın Xarici Əlaqələr üzrə qeyri-hökumət şurasının Ukrayna ilə bağlı keçirdiyi seminarda o, Rusiya, İran, Çin və Şimali Koreya haqqında deyib: “Onlar indi birlikdədirlər. “20 min Amerika əsgərinin olduğu Koreya yarımadasında müharibə başlasa, konseptual olaraq siz rus qoşunlarının döyüşlərdə iştirak etdiyini görə bilərsiniz. Çünki bu, [Moskva ilə Pxenyan arasında] razılaşmanın bir hissəsidir. Biz bunu dörd il əvvəl görməmişdik. Bu, tamamilə yeni tənzimləmədir”, – ABŞ Dövlət Departamentində işləyən Kelloq deyib.
Onun sözlərinə görə, Donald Tramp ABŞ prezidenti olduğu ilk müddətdə Rusiya, İran, Çin və KXDR arasında yaxınlaşmanın qarşısını almağa çalışıb. “Bu, təkcə Avropa problemi deyil. Bu, qlobal problemdir. Və biz bunu belə həll etməliyik”, – Kelloq deyib. (Tass)
