Dövlət Radiosu xəbər verir ki, Şimali Koreya lideri Kim Çen In KXDR Ali Xalq Məclisinin 9-cu sessiyasında çıxışı zamanı Yaponiya, Cənubi Koreya və ABŞ faktiki olaraq “NATO-nun Asiya versiyasını” formalaşdırıb. Onun sözlərinə görə, belə bir hərbi ittifaq “müharibələrin və təcavüzün səbəbidir”.
Şimali Koreya lideri Pxenyanın nüvə qüvvələrini modernləşdirməsi və nüvə silahı istehsalını “eksponensial şəkildə artırması” ehtiyacına işarə edib. Eyni zamanda Kim Çen In vurğulayıb ki, Pxenyan ABŞ və Qərbin hegemonluğuna qarşı çıxan ölkələrlə münasibətləri gücləndirməlidir.
Bundan əvvəl Şimali Koreya lideri KXDR ilə Rusiya arasında əməkdaşlığı gücləndirmək üçün tədbirlər görməyə göstəriş verib. Onun fikrincə, ənənəvi Koreya-Rusiya mehriban qonşuluq və əməkdaşlığın daha da möhkəmlənməsinə, ikitərəfli münasibətlərin bütün sahələrdə intensivləşdirilməsinə və onların yeni mərhələyə yüksəlməsinə yönəlmiş fəal konstruktiv tədbirlər həyata keçirilməlidir. (Tass)