Suriyadan Kiprə köçən mindən çox miqrant Suriyada hökumət dəyişikliyi ilə əlaqədar adada sığınacaq istəmək niyyətindən əl çəkib, çünki onlara vətənlərinə qayıtmaq imkanı yaranıb. Bu barədə Kipr Respublikasının Miqrasiya və Beynəlxalq Müdafiə üzrə Dövlət Komitəsinin sədri Nikolas İoannidis Afina Makedoniya Xəbər Agentliyinə müsahibəsində bildirib.
“Bizim 1000-dən çox insanımız var ki, onlar beynəlxalq müdafiə ilə bağlı müraciətlərini geri götürüb və ya qaçqınlıq statusundan və ya onlara verilən əlavə müdafiə statusundan imtina ediblər”, – deyə miqrasiya idarəsinin rəisi bildirib.
O əlavə edib ki, göstərilən miqrant sayından “təxminən 500 Suriya vətəndaşı artıq Kipri tərk edib”.
Dövlət Miqrasiya Komitəsinin sədri onu da xatırladıb ki, 2024-cü ilin sonunda Kipr ölkədən deportasiya olunanların sayının adaya daxil olan qeyri-qanuni mühacirlərin sayına nisbətinə görə Avropa İttifaqı ölkələri arasında birinci yeri tutub. (Tass (