Ukraynanın müdafiə naziri Rustem Umerov iddia edir ki, 2025-ci ildə tərəfdaşlar Danimarka modeli adlanan Ukrayna müdafiə sənayesini maliyyələşdirmək üçün 1,3 milyard avro ayıracaqlar.
“Danimarka modeli” üzrə Ukraynaya müdafiə dəstəyi artıq 2025-ci ildə 1,3 milyard avroya çatdırılacaq”, – Umerov Facebook-da yazıb. Onun sözlərinə görə, bu vəsaitin bir hissəsi Rusiyanın dondurulmuş aktivlərindən əldə edilən gəlirdən götürüləcək.
Umerov əlavə edib ki, Kiyev Danimarka, İslandiya, Kanada, Norveç və İsveçdən 428 milyon avroluq ilk tranşın tezliklə gəlməsini gözləyir. Bu vəsait artilleriya, hücum dronları, raketlər və tank əleyhinə silahların istehsalının maliyyələşdirilməsinə sərf olunacaq. (Tass)