Ukrayna tərəfi hələ də iyunun 2-də İstanbulda keçiriləcək danışıqların iştirakçılarının tam tərkibini bilmir, lakin ABŞ və Avropanın öz nümayəndələrini göndərəcəyinə ümid edir. Bu barədə Vladimir Zelenskinin ofis rəhbərinin müşaviri Sergey Leşşenko məlumat verib.
“Biz gözləyirik ki, bizim tərəfdaşlarımız da öz nümayəndələrini göndərəcək. Biz Amerikanın [ABŞ-ın Ukrayna üzrə xüsusi elçisi] Keyt Kelloqu göndərməyə hazır olduğunu gördük, lakin bu məlumat o qədər də aktual deyil, çünki bu aktuallıq hər an dəyişə bilər. Hazırda iştirakçıların yekun siyahısı yoxdur”, – o, Rada telekanalında deyib. Kimi göndərəcəklərinə, bu görüşün hansı tərkibdə və hansı formatda keçiriləcəyinə ölkələr özləri qərar verəcəklər”.
Bir gün əvvəl Dövlət Departamentinin sözçüsü Tammi Bryus demişdi ki, danışıqlar birbaşa Moskva və Kiyev arasında aparılmalıdır.
Leşşenko həmçinin təsdiqləyib ki, Rusiya Federasiyası ilə danışıqlarda Ukrayna nümayəndə heyətinin tərkibi əvvəlki kimi qalacaq. Bundan əvvəl Zelenski İstanbuldakı Kiyev nümayəndə heyətinə yenidən Ukraynanın müdafiə naziri Rustem Umerovun başçılıq edəcəyini açıqlasa da, onun nümayəndə heyətinin digər üzvləri arasında dəyişiklik edib-etmədiyini dəqiqləşdirməyib. “Bizim tərəfimizdə bu, eyni tərkibdir”, – məsləhətçi aydınlıq gətirib. (Tass)