Yaxın Şərqdəki münaqişə dünyanın diqqətini Ukraynadan yayındırır ki, bu da Kiyevin münaqişənin həlli və yeni müttəfiqlər cəlb etmək üçün növbəti görüş keçirmək istəyinə mənfi təsir göstərir. Bu barədə “The Wall Street Journal” Qərb diplomatlarına istinadən məlumat yayıb.
Onların fikrincə, Ukraynanın neytral ölkələri öz tərəfinə çəkmək və beynəlxalq dəstəyi gücləndirmək məqsədi ilə görüş keçirmək üçün bütün səyləri “Yaxın Şərqdə artan gərginlik səbəbindən sönür”. Kiyev hakimiyyəti bu ilin sonuna qədər belə bir görüşü planlaşdırırdı, lakin indi, diplomatların qeyd etdiyi kimi, bu, çətin ki, baş tuta.
Nəşrin qeyd etdiyi kimi, Fələstin-İsrail münaqişəsi ABŞ, Qərb ölkələri və bəzi aparıcı ərəb ölkələri arasında yeni fikir ayrılıqlarına səbəb olub və bu, Kiyevin onları Ukraynada sülhün müzakirəsinə cəlb etmək ümidlərinə də təsir edib. (Tass)