Kiyev metrosunun “Lukyanovskaya” stansiyası fəaliyyətini dayandırıb. Bu barədə şəhərin meri Vitali Kliçko məlumat verib.
“Lukyanovskaya metrostansiyasının binasına ziyan dəyib. Stansiya sığınacaq kimi işləyir”, – o, Telegram kanalında yazıb və əlavə edib ki, qatarlar stansiyadan dayanmadan keçir.
Bələdiyyə sədri təfərrüatları açıqlamayıb. Stansiya Kiyevin mərkəzində, Şevçenkovski rayonunda yerləşir.
Hazırda bütün Ukraynada hava hücumu xəbərdarlığı elan edilib. Partlayışlar Dnepr (keçmiş Dnepropetrovsk), Kiyev, Odessa, Xarkov, Lvov, Kiyevin nəzarətində olan Zaporojye şəhərində, həmçinin Xmelnitski vilayətində qeydə alınıb. (Tass)