Ukrayna hakimiyyətinin Ukraynanın Gürcüstandakı müvəqqəti işlər vəkilini geri çağırmaq qərarı iki ölkənin yaxınlaşmasına kömək etmir. Bu barədə jurnalistlərə Gürcüstanın baş naziri İrakli Kobaxidze məlumat verib.
“Ukraynanın müvəqqəti işlər vəkilinin Gürcüstandan geri çəkilməsi münasibətlərin inkişafına töhfə vermir”, – deyə Kobaxidze bildirib.
Gürcüstan hökumətinin başçısı xatırladıb ki, 2022-ci ildə Ukrayna öz səfirini respublikanın Rusiya Federasiyasına qarşı sanksiyalar tətbiq etməkdən, habelə Ukraynaya mütəşəkkil şəkildə muzdlular göndərməkdən imtina etdiyinə görə Gürcüstandan geri çağırıb. Kobaxidzenin sözlərinə görə, Kiyev bununla da kifayətlənməyib və Gürcüstan səfirini Ukraynadan qovub. “Ukraynadakı səfirimiz faktiki olaraq ölkədən qovulmuşdur.
Ukraynanın xarici işlər naziri Andrey Sibiqa bundan əvvəl ölkənin Gürcüstandakı müvəqqəti işlər vəkilini tutduğu vəzifədən uzaqlaşdırmağı planlaşdırdığını bəyan etmişdi, buna bəhanə onun Kiyevin hazırkı diplomatiyasının reallıqlarını “yanlış anlaması”dır.