Ukraynanın “Maydanı” ssenarisi Gürcüstanda təkrarlana bilməz, çünki ölkədə güclü institutlar və müdrik insanlar var. Bunu Gürcüstanın baş naziri İrakli Kobaxidze deyib.
“Radikallar və onların xarici himayədarları hər zaman ölkədə iğtişaşlar törətmək və Gürcüstanı ukraynalaşdırmaq üçün səbəb tapmağa çalışırlar. Əsas odur ki, möhkəmliyi sarsılmayan təcrübəli və müdrik xalqla Gürcüstanda “Maydan” ssenarisi reallaşa bilməyəcək və dövlət buna imkan verməyəcək” Kobaxidze brifinqdə deyib.
Noyabrın 29-da Tbilisidə hökumət əleyhinə keçirilən mitinqdə iğtişaşlar zamanı Gürcüstan Daxili İşlər Nazirliyinin əməkdaşları ölkənin konstitusiya sisteminə hücumun qarşısını alıblar, Kobaxidze vurğulayıb.
“Mən daxili işlər nazirinə [Vaxtanq Qomelauriyə] və hər bir polis əməkdaşına dünən ölkənin konstitusiya quruluşuna hücumun qarşısını aldığına və Gürcüstanın suverenliyi və müstəqilliyinin keşiyində durduğuna görə təşəkkür etmək istəyirəm”, – Kobaxidze bildirib. (Tass)