Lənkəran Şəhər Rayon Polis Şöbəsinin əməkdaşlarının keçirdikləri əməliyyat tədbirləri ilə narkotiklərin qanunsuz dövriyyəsi və narkotik tərkibli bitkilərin əkib-becərilməsində şübhəli bilinən Elşən Bağırov saxlanılıb.
AZƏRTAC-ın bölgə müxbiri xəbər verir ki, keçirilən baxış zamanı onun üzərindən marixuana, yaşadığı evin eyvanından isə dibçəklərdə əkib-becərdiyi 11 ədəd çətənə bitkisi aşkarlanaraq götürülüb.
Qeyd edək ki, həmin şəxs 5 il əvvəl də külli miqdarda narkotik tərkibli bitkilər əkib-yetişdirdiyi üçün tutulub və məhkum olunub.
Hazırda faktla bağlı araşdırmalar aparılır.