Kolumbiya lideri keçmiş üsyançı lideri sui-qəsd planında iştirakda ittiham edir
/TASS/. Kolumbiya prezidenti Qustavo Petro hesab edir ki, dağıdılmış Kolumbiyanın İnqilabçı Silahlı Qüvvələrinin (FARC) keçmiş üzvlərinin lideri, İvan Mordisko ləqəbli Nestor Vera ona qarşı sui-qəsdin hazırlanmasında əli ola bilər.
Belə ki, dövlət başçısı “Univision” telekanalının Petroya qarşı mümkün sui-qəsd planından bəhs edən materialına münasibət bildirib. Mətndə amerikalı vəkil Aleksey Şaxtın narkotik ticarətində təqsirləndirilən müvəkkilindən İvan Mordiskonun köməyi ilə Kolumbiya liderinə qarşı hazırlanan hücumla bağlı məlumat aldığı və məlumatı ABŞ-ın Boqotadakı səfirliyinə ötürdüyü bildirilir. Sui-qəsd iyulun 20-də, Kolumbiyanın Müstəqillik Günündə baş verməli idi.
İyulun 20-də Petro bayram hərbi paradına təyin olunmuş vaxtdan 3 saat gec gəlib. Ertəsi gün dövlət başçısı “X” sosial şəbəkəsində yazıb ki, “ABŞ səfirliyindən alınan məlumatları yoxlamalı” deyə gecikib. Avqustun 8-də Kolumbiyanın milli müdafiə naziri İvan Velazkes hakimiyyət orqanlarında mümkün sui-qəsd cəhdi ilə bağlı məlumatların olduğunu təsdiqləyib, lakin təfərrüatları açıqlamayıb.