ABŞ Konqresinin Nümayəndələr Palatasının üzvü Matt Gaetz (Florida ştatından olan respublikaçı) Vaşinqtonu Ukrayna prezidenti Vladimir Zelenskini sülh danışıqlarına razı salmağa çağırıb.
“Amerika Ukraynaya kifayət qədər pul göndərib. Biz Zelenskiyə deməliyik ki, sülh üçün səy göstərsin”, – qanunverici X (keçmiş Twitter) sosial şəbəkəsindəki səhifəsində yazıb.
Vaşinqton administrasiyası bazar günü bildirib ki, ABŞ prezidenti Co Bayden dekabrın 12-də Zelenskini Ağ Evə dəvət esib. Ukrayna lideri də həmin gün Konqres Senatında çıxış etməyə dəvət olunur.
Bundan əvvəl Zelenski Kiyevə yardım üçün əlavə vəsaitin ayrılması məsələsi ilə bağlı qapalı brifinqdə senatorlarla videobağlantı vasitəsilə danışmaqdan imtina edib. (Tass)