Rusiya BMT sistemini alternativsiz beynəlxalq mexanizm hesab edir, RİA Novosti Kremlin sözçüsü Dmitri Peskova istinadən bildirib. O, Türkiyənin BMT Təhlükəsizlik Şurasına alternativ yaratmaq təklifinə belə cavab verib. Peskovun sözlərinə görə, belə bir addım beynəlxalq konsensus tələb edir.
Biz inanırıq ki, BMT sistemi, əvvəlki kimi, dünya gündəminin ən həyati məsələlərdə böyük səmərəsizliyinə baxmayaraq, yeganə və mübahisəsiz beynəlxalq mexanizm olaraq qalır. O , vaxtilə çox mürəkkəb razılaşmaların, çox mürəkkəb beynəlxalq konsensusun məhsulu kimi yaradılıb və təbii ki, Türkiyə tərəfinin elan etdiyi təşəbbüs kimi bir təşəbbüs də ən azı eyni konsensus tələb edir”.
Bundan əvvəl Türkiyə lideri Rəcəb Tayyib Ərdoğan BMT Təhlükəsizlik Şurasında islahatlar aparmağa çağırıb . Onun sözlərinə görə, “dünya beşdən çoxdur” və planet təkcə BMT Təhlükəsizlik Şurasının beşliyi – Böyük Britaniya, Çin, Rusiya, ABŞ və Fransadan ibarət deyil. Türkiyə lideri qeyd edib ki, beynəlxalq birlik təkcə adıçəkilən dövlətlərin qərarları sayəsində fəaliyyət göstərməməlidir.
Ərdoğan həmçinin BMT Təhlükəsizlik Şurası daxilində mövcud qaydaların dəyişdirilməsini təklif edib. Onun sözlərinə görə, bunun sayəsində dünya təşkilatına inamı bərpa etmək mümkün olacaq. (Tass)
