Kollektiv Təhlükəsizlik Müqaviləsi Təşkilatına (KTMT) daxil olan ölkələr öz sərhədlərinin perimetri boyunca kollektiv təhlükəsizliyə təhdid yaradan silah sistemlərinin yerləşdirilməsinin qəbuledilməz olduğunu bəyan ediblər. Bu barədə təşkilatın saytında dərc olunan KTMT Şurasının bəyannaməsində deyilir.
“Biz təşkilatın məsuliyyət zonasında təhlükəsizliyi qorumaq və sabitliyi pozan təsirlərin qarşısını almaq üçün birgə fəaliyyəti davam etdirmək niyyətindəyik. Onun perimetri boyunca KTMT-nin kollektiv təhlükəsizliyinə təhdid yaradan silah sistemlərinin yerləşdirilməsinin qəbuledilməzliyini vurğulayırıq”, – sənəddə deyilir. (Tass)