Kollektiv Təhlükəsizlik Müqaviləsi Təşkilatı (KTMT) ölkələrinin xarici işlər nazirləri Fələstin-İsrail münaqişəsi zonasında vəziyyətin gərginləşməsindən narahat olduqlarını bildiriblər və döyüş bölgəsində on minlərlə dinc sakinin öldürülməsini pisləyiblər. Bu barədə KTMT-yə üzv ölkələrin xarici işlər nazirlərinin Yaxın Şərq və Şimali Afrikadakı vəziyyətlə bağlı bəyanatında deyilir. Mətn Rusiya Xarici İşlər Nazirliyinin saytında yerləşdirilib.
“Biz Fələstin-İsrail münaqişəsi zonasında çoxlu sayda mülki insan itkisinə səbəb olan hazırkı gərginlik, eləcə də Yaxın Şərqdə gərginliyin artması ilə bağlı dərin narahatlığımızı bildiririk”, – deyə bəyanatda bildirilir. Həmçinin bəyanatda hərbi əməliyyatları dərhal dayandırmağa, Qəzza zolağının sakinlərinə yardım etmək üçün humanitar dəhlizlərin fasiləsiz işləməsinə, silahlı qarşıdurma zonasının genişləndirilməsi təhlükəsi fonunda təmkinli olmağa çağırılır”. (Tass)