Kürdlərin “Suriya Demokratik Qüvvələri” alyansı (SDF) Dəməşqin yeni hakimiyyətinin himayəsi altında vahid Suriya silahlı qüvvələrinə qoşulmağa qarşı deyil, lakin birləşmə prosesi vaxt aparır. Bunu SDF komandiri Mazlum Abdi deyib.
“Biz [Suriyanın yeni hakimiyyət orqanları ilə] 10 mart razılaşmasına sadiqik, lakin onun həyata keçirilməsi vaxt tələb edir” deyib Abdi. O, əlavə edib ki, kürd alyansı “Suriyanın vahid ordu və vahid bayraqla birliyi məsələsində mərkəzi hökumətlə razıdır”. (Tass)