Filippin 2024-cü ilin yazında birgə təlimlər çərçivəsində yerləşdirilən orta mənzilli raket sistemini sentyabrda ABŞ-a qaytaracaq. Bu barədə Kyodo agentliyi məlumat yayıb.
Sistemin niyə belə uzun müddət Filippində olacağı barədə heç bir məlumat verilmir.
Aprelin 22-dən mayın 10-dək baş tutan Filippin-Amerikan Balikatan 2024 təlimi çərçivəsində ABŞ ada dövlətinin şimalında MRC (Mid-Range Capability) sinifli orta mənzilli raket sistemi yerləşdirib. Təlimdə istifadə olunmayıb, lakin Filippində qalıb. MRC yerüstü kompleksi Amerikanın Raytheon korporasiyası tərəfindən istehsal olunan SM-6 (Standard Missile 6) zenit raketlərinin və Tomahawk qanadlı raketlərinin şaquli buraxılışı üçün uyğunlaşdırılıb.
Çin Filippində raket sisteminin yerləşdirilməsini qətiyyətlə pisləyib və sərt cavab tədbirləri görəcəyini bildirib. (Tass)