Yaponiyanın Müdafiə Nazirliyi NATO-nun Ukraynaya hərbi təchizat və qoşunların təlimi üzrə koordinasiya missiyasına qoşulacaq. Kyodo xəbər agentliyinin verdiyi məlumata görə , Yaponiyanın müdafiə naziri Gen Nakatani bu niyyətini alyansın baş katibi Mark Rutte ilə görüşdə bildirib.
Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova xəbərdarlıq etmişdi ki, Tokio Kiyev rejiminə dəstək kursunu davam etdirərsə, Rusiya Yaponiyaya qarşı yeni əlavə tədbirlər hazırlayacaq. O əlavə edib ki, Rusiya və Yaponiya arasında tam hüquqlu dialoq və əməkdaşlığın bərpası yalnız Yaponiya hakimiyyətinin Rusiya Federasiyasının, eləcə də Rusiya vətəndaşlarının iqtisadiyyatına və təhlükəsizliyinə zərər vurmaq cəhdlərindən tamamilə əl çəkdikdən sonra mümkündür.
Rutte aprelin 10-dək Yaponiyada qalacaq. Çərşənbə axşamı o, artıq Yokosukada Özünümüdafiə Qüvvələri bazasına baş çəkib, Yaponiyanın “Moqami” freqatına baxış keçirib, həmçinin Kamakuradakı Mistubishi Electric Corporation zavoduna baş çəkib. (Tass))