Yaponiya hökuməti beş Mərkəzi Asiya ölkəsi: Qazaxıstan, Qırğızıstan, Özbəkistan, Tacikistan və Türkmənistanla yay sammitinə hazırlığa başlayıb. Bu barədə Kyodo agentliyi məlumat yayıb .
Hazırda avqustda Qazaxıstanda görüşün təşkili variantı araşdırılır. Dəqiq qrafik daha sonra təsdiqlənəcək. Yaponiyadan baş nazir Fumio Kişida iştirak edəcək. Tərəflərin ilk növbədə iqtisadi əməkdaşlığı müzakirə edəcəyi gözlənilir.
2004-cü ildən Yaponiya müntəzəm olaraq beş Mərkəzi Asiya ölkəsi ilə xarici işlər nazirləri səviyyəsində görüşlər keçirir. Bu il bu formatın 20 illiyi qeyd olunur və buna görə də tərəflər onun statusunu sammit səviyyəsinə yüksəltmək niyyətindədirlər.
Ənənəvi olaraq Mərkəzi Asiya dövlətlərinin Rusiya və Çinlə sıx əlaqələri var. Yaponiya da bu regionda yerləşən dövlətlərlə əlaqələrin inkişaf etdirilməsini vacib hesab edir, çünki onların böyük mineral ehtiyatları var.
(Tass)