Latviya hökuməti Rusiya vətəndaşlarının ölkəyə girişinə qoyulan məhdudiyyətləri 2025-ci il martın 4-dək uzatmağı planlaşdırır. Bu barədə LETA agentliyi respublikanın Xarici İşlər Nazirliyinin hazırladığı sərəncam layihəsinə istinadən məlumat yayıb.
Agentliyin məlumatına görə, Rusiya vətəndaşlarının turizm məqsədilə ölkəyə girişinə artıq tətbiq edilmiş məhdudiyyətlər martın 4-dək qüvvədədir. Latviya hakimiyyəti Rusiya Federasiyasından ehtimal olunan təhlükə ilə əlaqədar məhdudiyyətləri uzatmaq niyyətindədir.
19 sentyabr 2022-ci il tarixində Polşa və Baltikyanı ölkələrin (Estoniya, Latviya və Litva) səlahiyyətliləri rusların turizm, mədəniyyət, idman və biznes məqsədləri üçün səyahət etdikləri təqdirdə Şengen zonasına girişini bağlayıblar. (Tass)