Rusiya ilə İran arasında Hərtərəfli Strateji Tərəfdaşlıq Sazişi heç kimə qarşı yönəlməyib, hər iki ölkənin təhlükəsizliyini təmin etmək məqsədi daşıyır. Bunu Rusiyanın xarici işlər naziri Sergey Lavrov 2024-cü ildə Rusiya diplomatiyasının yekunlarına dair mətbuat konfransında deyib.
“Bu saziş, yeri gəlmişkən, KXDR ilə olan müqaviləmiz kimi, heç bir ölkəyə qarşı yönəlməyib və konstruktiv xarakter daşıyır və Rusiya, İran və dünyanın müxtəlif yerlərindəki dostlarımızın imkanlarını gücləndirməyə yönəlib”. İqtisadiyyatı daha yaxşı inkişaf etdirmək, sosial məsələləri həll etmək və etibarlı müdafiə qabiliyyətini təmin etməkdir”, – deyə nazir bildirib.
Üçüncü tərəflərin Moskva ilə Tehran arasında sazişin bağlanmasından narahatlığını ifadə edib-etməməsi ilə bağlı sualı cavablandıran Lavrov qeyd edib ki, bu, adətən Qərbdə edilir, “çünki onlar hər zaman istənilən məsələdə hansısa mövzu tapmaq istəyirlər ki, Rusiya və İran, Çin, Şimali Koreya həmişə kiməsə qarşı nəsə hazırlayır”.
Bu cür qorxuları təkzib edən XİN rəhbəri xatırladıb ki, İran prezidenti Məsud Pezeşkiya bir neçə gündən sonra Rusiyaya gələcək. “Prezidentlərimiz bu sazişi imzalayacaqlar”, – Lavrov bildirib. (Tass)