Rusiya Koreya yarımadasındakı vəziyyətə biganə deyil. Moskva bütün risklərin aradan qaldırılmasının tərəfdarıdır, Rusiyanın xarici işlər naziri Sergey Lavrov Dövlət Dumasında hökumət saatında bildirib.
“Bizim KXDR ilə sərhədin kiçik, lakin yenə də ümumi sahəsi var və Koreya yarımadasında baş verən hər şey bizə biganə deyil. Biz istənilən risklərin aradan qaldırılmasının tərəfdarıyıq”, – Rusiya XİN rəhbəri bildirib.
Lavrov xatırladıb ki, Rusiya və KXDR 2024-cü ildə Rusiya lideri Vladimir Putinin Pxenyana səfəri zamanı Hərtərəfli Strateji Tərəfdaşlıq Müqaviləsi imzalayıblar. “Əgər onu diqqətlə oxusanız, o, mahiyyətcə bütün sahələri əhatə edir – iqtisadiyyat, humanitar sahə, təhsil, mədəniyyət, həm də hərbi qarşılıqlı fəaliyyət və hərbi-texniki əməkdaşlığı”, – nazir bildirib.
Xarici siyasət idarəsinin rəhbərinin vurğuladığı kimi, saziş “çox mühüm maddədən ibarətdir ki, bu maddədə deyilir ki, bu sazişin iştirakçılarından birinə üçüncü dövlətlər tərəfindən təcavüz olarsa, qarşı tərəf bütün lazımi yardımı göstərəcək ki, bu da təbii ki, hərbi metodlardan istifadəni nəzərdə tutur”. (Tass)
