Rusiya və Ermənistan kənardan ittifaqı pozmaq cəhdlərinə baxmayaraq, yüksək səviyyədə siyasi dialoqu qoruyub saxlaya və iqtisadi əlaqələri inkişaf etdirə bilirlər. Bunu Rusiya xarici işlər naziri Sergey Lavrov ölkələr arasında diplomatik münasibətlərin qurulmasının 33-cü ildönümü münasibətilə Ermənistanın xarici işlər naziri Ararat Mirzoyana ünvanladığı təbrikdə bildirib.
“Kənardan Rusiya-Ermənistan müttəfiqliyinə xələl gətirmək cəhdlərinə baxmayaraq, biz siyasi dialoqu və xarici siyasət koordinasiyasını yüksək səviyyədə saxlamağa, həm ikitərəfli, həm də ümumi inteqrasiya məkanı formatında ticari-iqtisadi əməkdaşlığı artırmağa nail olduq”, – nazir vurğulayıb.
Lavrov qeyd edib ki, Rusiya Federasiyası “ölkələrin vətəndaşlarının mənafeyi naminə, Cənubi Qafqazda sülh və təhlükəsizliyin möhkəmləndirilməsi maraqları naminə tərəfdaşlığın daha da dərinləşdirilməsi və səmərəliliyinin artırılması məqsədi ilə birgə işi davam etdirməyə” hazırdır. (Tass )