Litva, Latviya və Polşa prezidentləri Gitanas Nauseda, Edqars Rinkeviçs və Anjey Duda Birləşmiş Ərəb Əmirliklərində BMT-nin İqlim Dəyişikliyi üzrə Çərçivə Konvensiyasına (COP28) Tərəflərin Konfransı iştirakçılarının qrup şəklində şəkil çəkdirməkdən imtina ediblər. Belarus prezidenti Aleksandr Lukaşenko da tribunada olub. Bu barədə Litva prezidentinin mətbuat xidməti məlumat yayıb.
“Rusiyanın Ukraynaya hücumunun tramplininə çevrilmiş və onun ətraf mühit üçün fəlakətli nəticələrinə görə məsuliyyət daşıyan dövlət başçısı ilə çiyin-çiyinə dayanmaq ikiüzlülük olardı”, – deyə məlumatda bildirilir.
Mətbuat xidmətinin qeyd etdiyi kimi, bu qəbildən olan fotoşəkillər ailə fotoları adlanır. “Lukaşenko bizim aid olmaq istədiyimiz ailənin üzvü deyil”, mətndə deyilir.
Fotoşəkildən imtinanın təşəbbüskarının kim olduğu açıqlanmır. (Tass)