Litva Seymi (parlamenti) Ukraynaya təhvil verilən Baltikyanı respublikada istehsal olunan pilotsuz uçuş aparatlarının (PUA) Çin istehsalı olan hissələrinin istifadəsi təklifini təsdiqləyib. Qanunvericilik Məclisinin plenar iclasında bunun lehinə 77 deputat, 21 bitərəf, 3 deputat isə əleyhinə səs verib.
Sənəddə deyildiyi kimi, dost ölkələrdə “Litva müəssisələri həmişə münasib qiymətə pilotsuz təyyarələr üçün ehtiyat hissələri tapa bilmirlər” və buna görə də “Seym onları, o cümlədən Çindən almağı mümkün hesab edir”. Eyni zamanda, ÇXR mətndə “etibarsız istehsalçı” adlandırılır.
Yeni prosedur bir il müddətinə – bu ilin mayından 2025-ci ilin mayına qədər tətbiq edilir. Eyni zamanda, sənəddə belə hissələrə malik PUA-ların yalnız eksperimental, elmi və tədris məqsədləri, eləcə də digər ölkələrə yardım məqsədilə istifadə oluna biləcəyi aydınlaşdırılır ki, bu da onlara Ukraynaya yol açır.
İqtisadiyyat və innovasiyalar nazirinin müavini Karolis Zemaitisin aydınlaşdırdığı kimi, Litvanın PUA istehsalçıları proqram təminatı deyil, Çin komponentlərindən istifadə edə biləcəklər.
(Tass)