Litva hakimiyyəti Baltikyanı respublikanın ərazisində yerləşən ukraynalı qaçqınlara yardım göstərmək üçün təxminən 326 min avro ayırıb. Hökumətin mətbuat xidmətindən verilən məlumata görə, müvafiq qərar Nazirlər Kabinetinin iclasında təsdiq edilib.
“Maliyyə Nazirliyi tərəfindən hazırlanan 326 min avroya yaxın vəsaitin ayrılması təklifi təsdiq edilib”, – deyə məlumatda bildirilir.
Nazirlər Kabineti qaçqınlar üçün sosial xidmətlər – yaşayış xərcləri, institusional qayğı, uşaqlı ailələrə yardım xərclərini ödəmək üçün 304 min avro ayırır. 2023-cü ilin oktyabr ayından dekabr ayına kimi qaçqınlara göstərilən tibbi xidmətlərin ödənilməsi üçün təxminən 22 min avro ayrılıb.
Rəsmi statistikaya görə, Litva Ukraynadan 84 mindən çox qaçqını qəbul edib. (Tass)