Vilnüs Litva istehsalı olan 3 min pilotsuz uçuş aparatı alıb Kiyevə təhvil verəcək. Bunu Litvanın paytaxtında olan Ukraynanın baş naziri Denis Şmıqalla birgə mətbuat konfransında Baltikyanı respublika hökumətinin başçısı İnqrida Simonyte deyib.
“Müdafiə Nazirliyinin mənə verdiyi məlumata görə, yaxın gələcəkdə biz Litva istehsalçılarından 2 milyon avroya Ukrayna üçün 3 min pilotsuz təyyarə alacağıq”.
Vilnüs də, Simonyte görə, yaralı Ukrayna hərbçiləri üçün xüsusi reabilitasiya proqramını həyata keçirməyə başlayır. “Proqram zamanı Litva Lvov, Dnepr və Jitomir vilayətlərində lazımi infrastrukturun yaradılmasında iştirak edəcək”, – deyən baş nazir qeyd edib: “Biz bunun üçün 25 milyon avro ayırmağı planlaşdırırıq və digər donorları da cəlb etməyə çalışacağıq”.
Litva hakimiyyətinin rəsmi məlumatlarına görə, respublika Ukraynaya yardım üçün 1 milyard avrodan çox vəsait ayırıb.
(Tass)