Litva fermer təşkilatları hakimiyyətin problemlərini həll etmək istəmədiyi üçün yanvarın sonunda növbəti etiraz aksiyası keçirəcək. Bu barədə jurnalistlərə kənd təsərrüfatı üzrə ictimai şuranın sədri İqnas Hofmanas məlumat verib.
“Nümayəndələrimizin Baş nazir İnqrida Simonyte ilə görüşünün nəticələri məyusedici oldu” deyib sədr, “O, fermerlərin qaldırdıqları məsələlərin həllinin nə qədər vaxt aparacağı sualına cavab verməkdən yayındı ki, bu da bütövlükdə bu məsələnin həlli niyyətini şübhə altına alır.”
Hofmanasın sözlərinə görə, etirazların davam etdirilməsi qərara alınıb. Yanvarın 23-26-da fermerlər kənd təsərrüfatı texnikaları ilə Vilnüsə gələcəklər.
Yanvarın 8-də Litvanın bütün regionlarında etiraz aksiyası keçirilib. Onun iştirakçıları ictimaiyyətin diqqətini cəlb etmək üçün rayon mərkəzlərində tonqallar yandırıblar. Paytaxtda polis bunu hökumət binası yaxınlığında etməyi qadağan edib. (Tass)