Litva hökumətinin başçısı İnqrida Simonyte hesab edir ki, indi qadınların orduya çağırışını müzakirə etmək üçün ən yaxşı vaxt deyil, onları təxirə salmaq lazımdır. O, bu barədə LRT milli dövlət televiziya və radiosuna müsahibəsində bildirib.
“Hərbi xidmətə çağırışdan sonra nə qədər əsgər qəbul edə biləcəyinə qərar verənə qədər, qadınların hərbi xidmətə çağırılması haqqında danışmaq tezdir” .
Baş nazir qeyd edib ki, qadınların icbari hərbi xidmətə çağırılması məsələsinin müzakirəsi mübahisəlidir. “Bir çoxları üçün qadınların orduda xidmət etməsi qərarı şüurda mədəni dəyişiklik olardı” deyğ Şimonyte bildirib.
2015-ci ildə Litva geosiyasi vəziyyətin pisləşməsini əsas gətirərək, 2008-ci ildə ləğv edilmiş icbari hərbi xidməti bərpa edib. Əvvəlcə bunun kifayət qədər ehtiyat hazırlamaq üçün müvəqqəti olaraq beş il müddətinə tətbiq olunduğu iddia edilsə də, sonra parlament çağırışın daimi olacağına qərar verdi. İndi siyasətçilər bunun universal olmasını təklif edirlər. İndi yalnız lotereya kimi kompüter proqramı ilə əldə edənlər çağırılır. (Tass)
